1. Na Rialacha Cúirte Dúiche (An tAcht um Cheartas Coiriúil (Forálacha Ilghnéitheacha) 2009) 2010 is teideal do na rialacha seo.

2. Tiocfaidh na rialacha seo i ngníomh an 1ú lá d’Iúil 2010 agus forléireofar iad i dteannta na Rialacha Cúirte Dúiche eile go léir ó 1997 go 2010.

3. Leasaítear na Rialacha Cúirte Dúiche 1997 (I.R. Uimh. 93 de 1997):

​(i) trí na fo-rialacha seo a leanas a chur in ionad fho-rialacha (1) agus (2) de riail 8 d’Ordú 16:

“8. (1) Sa riail seo, tá leis na habairtí “foláireamh”, “Údarás Lárnach sa Stát”, “Barántas gabhála Eorpach”, “Creatchinneadh”, “údarás breithiúnach”, agus “Ballstát” na bríonna a thugtar do gach ceann díobh leis an Acht um Barántas Gabhála Eorpach 2003 (“Acht 2003”).

(2). Maidir le hiarratas chun na Cúirte Dúiche ón Stiúrthóir Ionchúiseamh Poiblí nó thar a cheann nó thar a ceann, ar bharántas gabhála Eorpach (ar iarraidh é chun foláireamh a iontráil) de bhun alt 33 d’Acht 2003 a eisiúint i leith duine, is trí fhaisnéis faoi mhionn agus i scríbhinn chuig Breitheamh den Chúirt Dúiche ina shuí dó nó ina suí di sa Chúirt Dúiche a d’eisigh an barántas baile a dhéanfar é. Is i bhFoirm 16.2, Sceideal B, a bheidh an fhaisnéis sin. Áireofar san fhaisnéis sin na sonraí a cheanglaítear le fo-riail (3). Féadfaidh an Breitheamh barántas gabhála Eorpach a eisiúint:

(a) i gcás gur deimhin leis an mBreitheamh—

(i) gur eisíodh barántas baile chun an duine sin a ghabháil ach nár forghníomhaíodh é, agus

(ii) nach bhfuil an duine sa Stát, agus

​(b) i gcás—

(i) ina ndlífí, dá gciontófaí an duine, téarma príosúnachta nó coinneála 12 mhí nó níos faide ná 12 mhí a chur air nó uirthi, nó

(ii) inar gearradh téarma príosúnachta nó coinneála nach lú ná 4 mhí ar an duine i leith an chiona lena mbaineann agus go gceanglaítear ar an duine an téarma príosúnachta nó coinneála sin go léir nó cuid de a chur isteach.”;

......
4. Déanfar na Foirmeacha darb uimhreacha 16.2, 18.2A, 18.2B, 27.9, 27.12, 28A.14, 28A.15 agus 28A.16 sa Sceideal a chur in ionad na bhFoirmeacha faoi seach ar a bhfuil na huimhreacha céanna i Sceideal B de na Rialacha Cúirte Dúiche 1997 (I.R. Uimh. 93 de 1997). Déanfar an Fhoirm darb uimhir 27.6B a scriosadh as Sceideal B de na Rialacha Cúirte Dúiche 1997.

(...)