Tairgeann an tSeirbhís Cúirteanna deis iontach do ranganna teacht ar cuairt chuig na Cúirteanna Breithiúnais Coiriúla, Baile Átha Cliath, faoi stiúir abhcóide atá ag cleachtadh a g(h)airme. Féadfaidh daltaí ceisteanna a chur agus páirt a ghlacadh i gcúirt bhréige i seomra cúirte fíor.

Mionsonraí na gCuairteanna Treoraithe

Mionsonraí na gCuairteanna Treoraithe

Ba chóir do mhúinteoir amháin 12 dhalta a thionlacan ina ngrúpaí agus gan níos mó ná 24 dalta a bheith in aon ghrúpa.

Déan teagmháil le hOifig Eolais na Seirbhíse Cúirteanna ag schooltours@courts.ie.

 

Ar lá do chuairte

  • Bailígí le cheile ag an gcomhartha 'Schools Meeting Point' sa Halla Mór sna Cúirteanna Breithiúnais Coiriúla, ag am nach déanaí ná 9.10 a.m. i gcomhair cuairteanna maidine agus 1.05 p.m. i gcomhair cuairteanna tráthnóna
  • Ba chóir éide scoile a bheith ar bhaill an ghrúpa más cuí
  • Cuir as gach fón póca
  • Tabhair do d'aird go bhfuil cosc ar thógáil grianghraf istigh i bhfoirgneamh na cúirte
  • Ar an drochuair, níl áiseanna páirceála ar fáil againn ach tá páirceáil ar fáil ar an tsráid agus tá Páirc an Fhionnuisce in aice láimhe.

 

Leagan amach cuairte

  • Buailfidh abhcóide le do ghrúpa agus cuirfidh sé/sí ar an eolas sibh faoin bhfoirgneamh agus an obair a dhéantar ann
  • Tabharfar sibh chuig seomra cúirte chun tuilleadh plé a dhéanamh agus chun páirt a ghlacadh i dtriail bhréige (tabharfar na mionsonraí daoibh roimh an gcuairt)
  • Tuairim ar 15 nóiméad sula dtosaíonn éisteacht chúirte, treorófar sibh chuig an seomra cúirte cuí chun breathnú ar chúirt i mbun seisiúin
  • Ós rud é go bhféadann imeachtaí cúirte maireachtáil tamall fada, molaimid go bhfanann sibh sa chúirt go dtí 1.00 p.m. (cuairteanna maidine) agus 4.00 p.m. (cuairteanna tráthnóna) chun go mbeidh deis agaibh teacht i dtaithí ar a bhfuil ag titim amach.

 

Déanfar gach iarracht a chur ar chumas grúpaí freastal ar éisteacht chúirte. Is de nádúr imeachtaí cúirte, áfach, go mbíonn laethanta ann nuair nach mbíonn aon chás oiriúnach á éisteacht le linn na cuairte.

Nóta: Níl aon dáta cuairte ar fáil i mí Lúnasa agus Meán Fómhair nuair a bhíonn na cuairteanna ar shaoire fhada.

 

Cuairteanna Scoile

Cuairteanna Scoile

Eagraítear cuairteanna scoile maidin agus tráthnóna Dé Máirt, Dé Céadaoin agus Déardaoin le linn téarmaí cúirte.

Tá tuilleadh eolais ar fáil ach cliceáil ar an nasc seo.