Agus éileamh á dhéanamh (i.e. is tú an t-éilitheoir), ní mór duit a bheith cinnte d’ainm agus de sheoladh an duine nó an chomhlachta a bhfuil tú ag iarraidh éileamh a dhéanamh ina aghaidh (an freagróir). Ní mór do na sonraí a bheith cruinn le gur féidir aon ordú cúirte (breithiúnas) a chur i bhfeidhm.
Sa chás gur comhlacht atá sa Fhreagróir, seachas duine aonair, tá sé tábhachtach go bhfaigheann tú teideal ceart an chomhlachta. Is féidir an teideal seo a fháil ón Oifig um Chlárú Cuideachtaí nó 01 804 5200 / LoCall 0818 452 000.
Má tá cónaí ar pháirtí i dtír eile san AE, ba chóir duit an Nós Imeachta Eorpach um Éilimh Bheaga a úsáid.
Iarratas a dhéanamh ar líne
Chun iarratas a dhéanamh ar líne, beidh ort cuntas a chlárú ar chóras na Seirbhíse Cúirteanna ar Líne (CSOL). Beidh tú in ann súil a choinneáil ar dhul chun cinn an éilimh ar CSOL.
Beidh seoladh ríomhphoist agus cárta creidmheasa/dochair ag teastáil uait chun táille iarratais €25 a íoc.
Cliceáil chun Iarratas a Dhéanamh ar Líne
Iarratas a dhéanamh de láimh
Beidh ort teagmháil a dhéanamh le hOifig na Cúirte Dúiche sa cheantar:
- ina bhfuil an freagróir ina chónaí nó ina ndéanann sé/sí gnó, nó
- ina ndearnadh an conradh, nó
- i gcás damáiste do réadmhaoin, an ceantar ina ndearnadh an damáiste.
Cuirfidh an Cláraitheoir um Éilimh Bheaga an fhoirm iarratais ar fáil duit nó is féidir leat foirm iarratais na n-éileamh beag a íoslódáil
Ba chóir an fhoirm iarratais chomhlánaithe agus an táille a lóisteáil leis an gCláraitheoir um Éilimh Bheaga sa cheantar cuí.
Nóta: glactar le seiceanna le seic-chárta. Is féidir modhanna eile íocaíochta a úsáid freisin, amhail ordú poist, dréacht bainc nó litir ó aturnae. Déan seiceanna, orduithe poist, dréachtaí bainc iníoctha leis ‘an tSeirbhís Chúirteanna’.
Más freagróir thú, is féidir leat teacht ar na foirmeacha chun dliteanas a ghlacadh nó easaontú le dliteanas.