Iarratas nua ar cheadúnas

Ligeann iarratas nua ar cheadúnas don chúirt gnáthcheadúnas seacht lá tosaigh a dheonú. Leis sin, beidh an sealbhóir ceadúnais in ann teach tábhairne nó beár a oibriú agus gach cineál deochanna alcólacha a dhíol lena n-ól ar an áitreabh agus lasmuigh de le linn na n-uaireanta freastail ceadaithe.

Cé mhéad a chosnaíonn an t-iarratas seo

Tá táille €330 ar gach iarratas.

Tabhair faoi deara, le do thoil, nach mbaineann an táille seo ach le hiarratas na cúirte. Tá táille ar leith ag na Coimisinéirí Ioncaim as an gceadúnas a thógáil amach.

Conas ullmhú

Ní mór duit ceadúnas reatha a mhúchadh (a fhoirceannadh go dlíthiúil) ó áitreabh eile chun ceadúnas nua a fháil.

Ní mór duit cuardach ceadúnaithe a dhéanamh chun a thaispeáint don chúirt nach raibh ceadúnas iomlán ag an áitreabh roimhe seo. Féach tuilleadh ar ár leathanach ar an gclár ceadúnaithe.

Ní mór duit socrú a dhéanamh roimh ré le hoifig na cúirte chun go mbeidh cléireach na Cúirte Dúiche sa cheantar ar fáil chun fianaise a thabhairt. I gcuarda áirithe, áfach, glacann an breitheamh le taifead den chuardach CSOL nó le deimhniú ón oifig.

Conas iarratas a dhéanamh

1. Comhlánaigh d’iarratas

Más cleachtóir dlí thú agus má tá cuntas agat in CSOL, is féidir leat an t-iarratas a chomhlánú in CSOL. De rogha air sin, is féidir iarratas a chomhlánú de láimh, a dhréachtaíonn abhcóide de ghnáth.

2. Seirbheáil na páirtithe fógra

Ní mór duit na páirtithe ábhartha fógra a chur in iúl nó a sheirbheáil le haghaidh d'iarratais. Má chuirtear an t-iarratas isteach in CSOL, tugtar fógra do na páirtithe fógra go huathoibríoch. De rogha air sin, is féidir leat an fógra a sheirbheáil de láimh. Féach ar ár leathanach seirbheála agus cruthúnas seirbheála le haghaidh tuilleadh eolais.

Maidir leis an iarratas seo, is iad seo a leanas na páirtithe fógra:

• Ní mór fógra a thabhairt don Gharda Síochána lá is fiche ar a laghad roimh dháta na cúirte.
• Ní mór fógra a thabhairt do chléireach na Cúirte Dúiche lá is fiche ar a laghad roimh dháta na cúirte.
• Ní mór fógra a thabhairt don bhreitheamh Cúirte Dúiche ina bhfuil an t-áitreabh suite lá is fiche ar a laghad roimh dháta na cúirte.
• Ní mór fógra a thabhairt don Bhainisteoir Oifige Cúirte Comhcheangailte lá is fiche ar a laghad roimh dháta na cúirte.
• Ní mór fógra a thabhairt don phobal trí fhógrán nuachtáin áitiúil lá is fiche ar a laghad roimh dháta na cúirte.
• Ní mór fógra a thabhairt don Oifigeach Dóiteáin ocht lá is fiche ar a laghad roimh dháta na cúirte.
• Ní mór fógra a thabhairt do FSS mí amháin ar a laghad roimh dháta na cúirte.

3. Cuir isteach d’iarratas

Is féidir leat d'iarratas a chur isteach trí CSOL nó de láimh ag oifig na cúirte. Ní mór an t-iarratas a thaisceadh lá is fiche ar a laghad roimh dháta na cúirte.

4. Cruthúnais a chur ar fáil d’oifig na cúirte

Ní mór duit na doiciméid tacaíochta riachtanacha nó "cruthúnais" a sholáthar d'oifig na cúirte. Ní mór é seo a dhéanamh de láimh toisc nach bhfuil aon rogha ann faoi láthair na "cruthúnais" a liostaítear thíos a uaslódáil trí CSOL.

Cad iad na cruthúnais atá ag teastáil

1. Fógra iarratais bunaidh.
2. Mionnscríbhinn seirbheála (i gcás ina ndéantar an t-iarratas a sheirbheáil de láimh agus sa chás sin amháin).
3. An nuachtán bunaidh iomlán a thaispeánann fógrán atá leagtha amach le teorainn dhearg.
4. Cóip de phleananna mionsonraithe leis an limistéar atá le ceadúnú a bhfuil teorainn dhearg air a thabharfar isteach sa chúirt, a fhorghníomhófar agus a gcuirfear dáta leis ar lá na cúirte.
5. Beifear ag súil go gcuirfidh tú glaoch ar d'innealtóir nó ar d'ailtire i bhfianaise ar an lá chun comhlíonadh na rialachán pleanála agus tógála agus na gcoinníollacha deimhnithe um shábháilteacht ó dhóiteán a dheimhniú.
6. Deimhniú nach bhfuil aon agóid ón Oifigeach Dóiteáin.
7. Fianaise nach raibh ceadúnas iomlán ag an áitreabh roimhe seo.