Faisnéis d’aturnaetha

Cuir isteach iarratas

Is féidir iarratais ó aturnaetha a sheachadadh de láimh chuig an Oifig Phrobháide nó a sheoladh tríd an bpost Rianaithe DX/Cláraithe. Braitheann an Oifig Phrobháide a chaithfidh tú a úsáid ar an áit a raibh cónaí ar an duine éagtha ar dháta an bháis.

• Má bhí cónaí ar an duine éagtha i gcontaetha Bhaile Átha Cliath, Chill Dara, na Mí nó Chill Mhantáin: ní mór duit d'iarratas comhlánaithe a sheoladh chuig Oifig Phrobháide Bhaile Átha Cliath.
• Má bhí cónaí ar an duine éagtha in aon chontae eile laistigh de Phoblacht na hÉireann: féadfaidh tú d'iarratas comhlánaithe a sheoladh chuig Oifig Phrobháide Bhaile Átha Cliath nó chuig an gClárlann Phrobháide Cheantair don chontae ina raibh cónaí ar an duine éagtha.
• Má bhí cónaí ar an duine éagtha lasmuigh de Phoblacht na hÉireann: ní mór duit d'iarratas comhlánaithe a chur faoi bhráid Oifig Phrobháide Bhaile Átha Cliath.

Táillí

Ní mór an táille riachtanach agus an fhoirm Fógra Admhála ó na Coimisinéirí Ioncaim a chur san áireamh i ngach iarratas a sheachadtar chuig an Oifig Phrobháide nó chuig an gClárlann Phrobháide Cheantair.