2. Déanfar na Rialacha seo a fhorléiriú i dteannta na Rialacha Cúirte Cuarda 2001 go 2009.

3. Leasaítear Ordú 1 de na Rialacha Cúirte Cuarda:

(i) tríd an méid seo a leanas a chur in ionad rialacha 1 agus 2:

“1. Cuirfear suíonna den Chúirt ar bun laistigh de gach Cuaird i cibé áiteanna agus tosóidh siad ar cibé dátaí a shocrófar ó am go ham le hordú ó Uachtarán na Cúirte Cuarda de réir alt 10(2) den Acht Cúirteanna Breithiúnais 1947, agus cibé tráthanna a ordóidh agus a cheapfaidh Breitheamh na Cuarda sin ó am go ham. Déanfar fógra i dtaobh na suíonna sin i ngach Contae, ach amháin Contae Bhaile Átha Cliath, a fhoilsiú, a luaithe is féidir tar éis an t-ordú lena mbaineann a dhéanamh, i cibé slí a ordóidh Uachtarán na Cúirte Cuarda de réir an ailt réamhluaite sin 10(2).

2. I bhfógra i dtaobh Suíonna i gCuaird Bhaile Átha Cliath leagfar amach lá tosaithe agus lá críochnaithe gach Suí. Ar choinníoll go bhféadfaidh Uachtarán na Cúirte Cuarda aon Suíonna den Chúirt Chuarda i gCuaird Bhaile Átha Cliath a fhadú thar an dáta ar a raibh na Suíonna sin le críochnú.”