Oifigí Riaracháin agus Tacaíochta

An Stiúrthóireacht um Sheirbhísí Bonneagair

Ceannaire: Paul Burns

Tá an Stiúrthóireacht seo freagrach as:

An tAonad Teicneolaíochta Faisnéise agus Cumarsáide:

• seirbhís chuimsitheach um theicneolaíocht faisnéise a chur ar fáil don eagraíocht trí chórais faisnéise a sheachadadh, córais a thacóidh le gnóthú chuspóirí gnó na Seirbhíse Cúirteanna;
• córais nua faisnéise a sholáthar agus a bhainistiú;
• bonneagar nua-aimseartha cumarsáide a chur ar fáil ar fud na tíre chun tacaíocht a thabhairt do bhainistíocht agus riaradh na Seirbhíse;
• seirbhísí ríomh-Rialtais a sholáthar

An tAonad Eastát agus na Foirgneamh:

• pleanáil i gcomhair riachtanais reatha chóireála agus riachtanais an todhchaí i gcomhair gach gné den tSeirbhís;
• tionscadail tógála caipitil a phleanáil agus a fhorbairt, obair athchóirithe agus cóireáil ar léas;
• cláir tógála agus cothabhála caipitil a réiteach agus a chostáil;
• aistriú tithe cúirte, atá faoi úinéireacht ag údaráis áitiúla agus Oifigeach na nOibreacha Poiblí, chuig an tSeirbhís;
• feistiú agus cothabháil a dhéanamh ar áiseanna cúirteanna chuig caighdeáin nua-aimseartha, rochtain do dhaoine faoi mhíchumas san
• áireamh;
• na caighdeáin sábháilteachta, sláinte agus leasa is fearr i ngach foirgneamh agus oifig a chinntiú; agus
• bainisteoireacht ghinearálta a dhéanamh ar ollionad na Ceithre Cúirteanna.

An tAonad Comhpháirtíochta Príobháidí Poiblí:

• Freagrach as Clár Comhpháirtíochta Príobháidí Poiblí na gCúirteanna a fhorfheidhmiú.
• Tionscadail agus seirbhísí atá le seachadadh ag CPP a phleanáil agus a fhorbairt.
• Freagrach as an Ollionad na gCúirteanna Coiriúla a sheachadadh.

Bainistíocht Acmhainní Daonna:

Pléann an réimse seo le gach gníomhaíocht a bhaineann le soláthar foirne idir earcaíocht agus dhul ar scor, intreoir, tréimhsí promhaidh, cúrsaí a bhaineann le pá, arduithe céime, daoine ag éirí as oifig, aistrithe foirne, bainistíocht feidhmíochta, cód smachtaithe na státseirbhíse, agus caidreamh tionsclaíoch san áireamh. Oibríonn an t-aonad chun tionscnaimh um athrú eagraíochta a thionscnamh agusa éascú freisin trí Choistí Comhpháirtíochta agus fóraim eile.

An Comhordaitheoir Sláinte agus Sábháilteachta:

• Ag monatóireacht, forfheidhmiú agus athbhreithniú an Clár Sláinte agus Sábháilteachta laistigh den tSeirbhís.
• Comhairle a chur ar an Seirbhís maidir le sábháilteacht, sláinte agus leas sa láthair oibre.