Baile
As BéarlaAs Gaeilge
Cuardaigh le haghaidh Cliceáil chun Cuardach a dhéanamh
Ard-Chuardach
Leagan Inphriontáilte
Na Ranna go LéirTreoracha CleachtaisRialacha Cúirte Téarmaí & Suíonna
Dialann Dlí Oifigí & LéarscáileannaBreithiúnais & Cinntí

Éileamh a dhéanamh

Is féidir leat éileamh láimhe a dhéanamh nó éileamh ar líne a dhéanamh tríd an feidhmchlár Courts Service Online.

Chun éileamh láimhe a dhéanamh:

Déan teagmháil le hOifig na Cúirte Dúiche sa cheantar:

  • mar a bhfuil cónaí ar an bhfreagróir nó ina ndéanann sé/sí gnó,
  • mar a ndearnadh an conradh,
  • mar ar tharla damáiste, i gcás damáiste do mhaoin.

Soláthróidh an Cláraitheoir um Éilimh Bheaga foirm iarratais duit nó is féidir leat foirm Iarratais um Éilimh Bheaga a íoslódáil anseo.

€25 atá mar tháille ar éileamh beag a dhéanamh. Ba chóir an fhoirm iarratais chomhlánaithe agus an táille €25 a thabhairt ag an gCláraitheoir um Éilimh Bheaga.

Nóta: glactar le seiceanna má bhíonn cárta ráthaíochta leo. Is féidir modhanna íocaíochta eile a úsáid cosúil le hordú poist, dréacht bainc nó litir aturnae.

Ba cheart seiceanna nó orduithe poist nó dréacht bainc a bheith iníoctha leis ‘an tSeirbhís Chúirteanna’.

Seolfar cóip den fhoirm iarratais chomhlánaithe ón gcláraitheoir chuig an duine/páirtí a bhfuil an t-éileamh á dhéanamh ina n-aghaidh, ar a nglaoitear an freagróir. Coinneofar an fhoirm iarratais bhunaidh in oifig an chláraitheora.

Chun éileamh ar líne a dhéanamh:

Trí úsáid a bhaint as an gcóras ar an feidhmchlár Courts Service Online, beidh ar do chumas:

  • iarratas um éileamh beag a chruthú ar líne
  • an táille iarratais um éileamh beag cuí a íoc
  • stádas d'iarratais um éileamh beag ar líne a sheiceáil


Chun úsáid a bhaint as an gcóras seo;

» beidh ort logáil isteach nó cuntas a chur ar bun
» beidh seoladh ríomhphoist a bhfuil rochtain agat ag teastáil uait
» beidh cárta creidmheasa nó dochair ag teastáil uait

Má dhéantar agóid maidir le d'éileamh

Má fhaigheann an Cláraitheoir um Éilimh Bheaga fógra ón bhfreagróir ag déanamh agóide faoi d'éileamh nó ag déanamh frithéilimh i d'aghaidh, déanfaidh an cláraitheoir teagmháil leat agus ligfear cead duit cóip d'fhreagra an fhreagróra a choimeád.

D'fhéadfadh an cláraitheoir agallamh agus idirbheartaíocht a dhéanamh leis an dá pháirtí in iarracht teacht ar chomhaontú.

Mura bhfuil an Cláraitheoir um Éilimh Bheaga ábalta teacht ar chomhaontú eatarthu, tabharfaidh sé/sí an cás chuig an gCúirte Dúiche.

Mura ndéantar agóid i leith d'éilimh

Má admhaíonn an freagróir d'éileamh, tá sé de dhíth air/uirthi é sin a chur in iúl d'oifig an chláraitheora tríd an bhfoirm Fógra um Ghlacadh Dliteanais a sheoladh ar ais. Mura bhfreagraíon an freagróir, glacfar leis sa ghnáthchúrsa go bhfuil an t-éileamh gan cheistiú.

Déanfaidh An Chúirt Dúiche ordú i d'fhabhar (gan ort freastal ar an gcúirt) don mhéid a éilíodh, agus ordú go n-íocfar é laistigh de ghearrthréimhse áirithe ama.

Frithéileamh

Is éileamh déanta i d'aghaidh ag an bhfreagróir atá san fhrithéileamh.