Baile
As BéarlaAs Gaeilge
Cuardaigh le haghaidh Cliceáil chun Cuardach a dhéanamh
Ard-Chuardach
Leagan Inphriontáilte
Na Ranna go LéirTreoracha CleachtaisRialacha Cúirte Téarmaí & Suíonna
Dialann Dlí Oifigí & LéarscáileannaBreithiúnais & Cinntí

Iarratais phoist le hOifig Probháide Bhaile Átha Cliath

Naisc gaolmhara
Coinníollacha le haghaidh comhdú neamhphearsanta san Oifig Probháide i mBaile Átha Cliath
Foirm PAS1 (cáipéisí cuardaigh agus cóipeanna de cháipéisí)
Foirm S1 (iarratais aturnae)
Foirm PAS2 (iarratais ar an Oifig Rialacha)

Glacann Oifig Probháide Bhaile Átha Cliath le gach iarratas sa phost anois. Ní mór go ngabhfaidh an fhoirm chomhlánaithe chuí phoist agus an táille chuí* le gach iarratas poist.  Féach an mhír táillí le teacht ar a thuilleadh faisnéise.

Ní mór foirm iarratais amháin a chomhlánú le haghaidh gach iarratais atá á sheoladh ar aghaidh.

D’fhonn go gcuirfidh Oifig Probháide Bhaile Átha Cliath seirbhís éifeachtúil agus éifeachtach ar fáil dá gcustaiméirí go léir, is ríthábhachtach go n-íoslaghdaítear an líon iarratais arna ndiúltú. D’iarrfaimis, ar an ábhar sin, ar do chomhoibriú ina leith seo. Seiceáil gach iarratas go hiomlán sula seolann tú ar aghaidh iad lena chinntiú go bhfuil siad i gceart. Beidh iarratais a dhiúltaítear ina dtoradh ar mhoilleanna.

*Seachas iarratais phearsanta ar dheonuithe ionadaíochta. Déantar measúnú ar tháillí don saghas seo iarratais faoi láthair ag an dáta ceaptha.

Iarratais ar chuardaigh agus/nó ar chóipeanna de cháipéisí [Foirm PAS1]

Ní mór go ngabhfaidh Foirm PAS1 le gach iarratas poist ar chuardaigh agus/nó ar chóipeanna de cháipéisí. Féadfaidh tú an fhoirm seo a úsáid le haghaidh iarratas ar na Clárlanna Probháide Ceantair.

Sula gcomhlánaíonn tú Foirm PAS1, ní mór duit na nótaí faisnéise a léamh ar an bhfoirm. Tiocfaidh tú ar fhaisnéis ansin ar an saghas taifead atá á gcoimeád againn agus conas iarratas a dhéanamh ar chuardach nó ar chóipeanna de cháipéisí.

Nuair a bhíonn Foirm PAS1 á seoladh ar aghaidh agat chuig Oifig Probháide Bhaile Átha Cliath, cinntigh go bhfuil ‘AN OIFIG TAIFEAD’ le sonrú go soiléir ar an gclúdach litreach.

Iarratais phearsanta ar dheonuithe ionadaíochta

Féach an mhír iarratais phearsanta chun teacht ar fhaisnéis ar na hiarratais seo.

Iarratais aturnae ar dheonuithe ionadaíochta [Foirm S1]

Ní mór go ngabhfaidh Foirm S1 atá comhlánaithe le gach iarratas aturnae ar dheonuithe ionadaíochta a chuirtear sa phost chuig Oifig Probháide Bhaile Átha Cliath.

Féach an mhír iarratais aturnae chun teacht ar fhaisnéis ar na hiarratais seo.

Nuair a bhíonn Foirm S1 á seoladh ar aghaidh agat chuig Oifig Probháide Bhaile Átha Cliath, cinntigh go bhfuil ‘OIFIG AN TSUÍOCHÁIN le sonrú go soiléir ar an gclúdach litreach.

Ní ghlacfar le hiarratais ach amháin ó aturnaetha ag a bhfuil deimhniú cleachtaidh acu sa dlínse seo.

Iarratais ar an Oifig Rialacha [Foirm PAS2]

Ní mór go ngabhfaidh Foirm PAS2 atá comhlánaithe le gach iarratas poist ar Oifig Rialacha Oifig Probháide Bhaile Átha Cliath.

Leagtar amachin PAS2 na saghsanna iarratais a phróiseálann an Oifig Rialacha (lena n-áirítear iarratais chúirte agus caveat).

Chun teacht ar fhaisnéis faoi iarratais phearsanta a dhéanamh ar an gCúirt Phrobháide, féach an mhír iarratais chúirte .

Chun teacht ar fhaisnéis ar shaincheisteanna eile lena mbaineann an Oifig Rialacha (lena n-áirítear caveat), ní mór duit dul i gcomhairle le Rialacha na nUaschúirteanna, Ordú 79Ordú 80 agus Aguisín Q. Moltar d’iarratasóirí pearsanta atá ag smaoineamh faoi caveat a chomhdú (agus/nó cáipéisí eile) chun dul i gcomhairle le haturnae. Ní féidir le foireann na hOifige Probháide comhairle dlí a thabhairt.

Nuair a bhíonn Foirm PAS2 á seoladh ar aghaidh agat chuig Oifig Probháide Bhaile Átha Cliath, cinntigh go bhfuil ‘AN OIFIG RIALACHA’ le sonrú go soiléir ar an gclúdach litreach.